![](https://static.wixstatic.com/media/2619f8_63d4abecf8de452e8403465f6e2c2120~mv2.jpg/v1/fill/w_147,h_110,al_c,q_80,usm_0.66_1.00_0.01,blur_2,enc_auto/2619f8_63d4abecf8de452e8403465f6e2c2120~mv2.jpg)
Codwyd dros £500 er budd elusen iechyd meddwl a lles Wrecsam, Advance Brighter Futures (ABF) ar Gae Ras Bangor Is-coed yn ddiweddar.
Codwyd cyfanswm gwych o £513.96 ar y diwrnod rasio ar ddydd Mercher, Tachwedd 9fed, wrth i gwsmeriaid roi rhoddion hael yn y bwcedi casglu o amgylch y cae rasio.
Mae ABF wedi darparu cymorth iechyd meddwl a lles yn Wrecsam ers 1992, a bydd yr arian a godir yn mynd tuag at gefnogi pobl yn y gymuned leol.
![](https://static.wixstatic.com/media/2619f8_a569739b20c8431296265591be2231a4~mv2.jpg/v1/fill/w_147,h_120,al_c,q_80,usm_0.66_1.00_0.01,blur_2,enc_auto/2619f8_a569739b20c8431296265591be2231a4~mv2.jpg)
Dywedodd Zoe Whitehead, Swyddog Datblygu Busnes ABF: “Hoffem ddiolch yn fawr iawn i’r tîm yn Rasys Bangor am ein gwahodd a’n cefnogi gyda chasgliad bwced eleni. Roedd awyrgylch gwych ar y cae ras, a phawb yn hynod hael gyda’u rhoddion. Dim ond elusen fach ydyn ni felly mae unrhyw rodd yn golygu’r byd i ni, a bydd yr arian yn mynd yn uniongyrchol i helpu pobl leol yn ein cymuned gyda’u hiechyd meddwl a’u lles. Mae angen ein gwasanaethau yn fwy nag erioed dros y blynyddoedd diwethaf, ac rydym am helpu cymaint o bobl ag y gallwn. Bydd y rhoddion hyn yn ein galluogi i gefnogi mwy o bobl, felly maent yn cael eu gwerthfawrogi’n fawr.”
Os ydych yn teimlo bod chi hefyd eisiau cyfrannu, gallwch wneud cyfraniad i Advance Brighter Futures yma: https://wonderful.co.uk/pay?ref=1089638#header